2. Ծծումբ՝ պարզ նյութ: Ծծմբի քիմիական հատկությունները

 

Ծծումբը գոյություն ունի հիմնականում \(3\) պարզ նյութի՝ տարաձևությունների տեսքով:

 

1. Շեղանկյուն ծծումբ - $S_8$: Առավել կայուն ձևափոխությունն է:

 

   

 

2. Ասեղնաձև (մոնոկլին) ծծումբ)` մուգ դեղին ասեղներ: Կայուն է \(96℃\) բարձր ջերմաստիճանում, սովորական ջերմաստիճանում փոխարկվում է շեղանկյուն ծծմբի:

 

 

 

3. Պլաստիկ շագանակագույն ռետինանման ամորֆ զանգված է, անկայուն է, արագ փոխարկվում է շեղանկյուն ծծմբի:

 

  

Տարբեր ռեակցիաներում ծծումբը կարող է հանդես գալ և՛ որպես օքսիդացնող ($\stackrel{0}{S}+2\stackrel{-}{e}\to \stackrel{-2}{S}$), և՛ որպես վերականգնող. ( $\stackrel{0}{S}-2\stackrel{-}{e}\to \stackrel{+2}{S},\stackrel{0}{S}-4\stackrel{-}{e}\to \stackrel{+4}{S},\stackrel{0}{S}-6\stackrel{-}{e}\to \stackrel{+6}{S}$)

  

  

  

Ծծմբի և  ալկալիական մետաղների փոխազդեցությունն ընթանում է առանց տաքացման.

 

   

                      $\mathit{2Na}+S\to {\mathit{Na}}_{2}S$

 

Ծծմբի և մյուս մետաղների փոխազդեցությունն ընթանում է տաքացման պայմաններում.

 

Օրինակ՝ երկաթի և ծծմբի փոխազդեցությունը

 

                                         

                                          $\mathit{Fe}+S\stackrel{t\mathrm{°}>700\mathrm{°}C}{⟶}\mathit{FeS}$

 

 

Հալված ծծմբի մեջ ջրածին անցկացնելիս առաջանում է ծծմբաջրածին.

 

           

                $S+H_2\stackrel{t\mathrm{°}}{⟶}{H}_{2}S$

 

  

 

Ծծումբը այրվում է կապտավուն բոցով՝ ծծմբի\((IV)\) օքսիդ առաջացնելով

 

      

            $S+O_2={\mathit{SO}}_2$

 

Սենյակային ջերմաստիճանում ծծումբը փոխազդում է ֆտորի, քլորի,  իսկ տաքացման պայմաններում՝ նաև բրոմի հետ:

 

               

                    $S+{\mathit{Cl}}_2=S{\mathit{Cl}}_2$

 

 

Ծծումբը ֆտորի հետ առաջացնում է ծծմբի ֆտորիդ՝ $S+3F_2=S{F}_6$

 

 

     ծծմբի\((VI)\) ֆտորիդի մոլեկուլի մոդելը

 

Ծծումբը փոխազդում է խիտ ծծմական և ազոտոկոն թթուների հետ՝

 

 

 

Արդյունահանվող ծծմբի կեսից ավելին ծախսվում է ծծմբական թթու ստանալու համար: Ծծմբի կիրառման բնագավառներն են` կաուչուկի վուլկանացում` ռետինի ստացում, էբոնիտի ստացում, լուցկու արտադրություն, սև վառոդի ստացում, գյուղատնտեսության մեջ վնասատուների դեմ պայքար, բժշկության մեջ մաշկային հիվանդությունների բուժում: