Ծծմբաջրածին — դաս։ Քիմիա, 9-րդ դասարան.

Ծծմբաջրածին:

Ֆիզիկական հատկությունները:

Սովորական պայմաններում տհաճ հոտով (նեխած ձվի հոտը պայմանավորված է

H_{2} S

-ով), թունավոր, անգույն գազ է, վատ է լուծվում ջրում (նորմալ պայմաններում \(1\) ծավալ ջրում լուծվում է \(3\ \)լ ծծմբաջրածին)։

Ուշադրություն

Ծծմբաջրածինը խիստ թունավոր է, և նրա հետ կապված բոլոր փորձերը պետք է կատարել քարշիչ պահարանում:

Ստացումը:

1) Ստացվում է հալված ծծմբի միջով ջրածին բաց թողնելիս.

H_{2} + S = H_{2} S

2) Սուլֆիդների և ուժեղ թթուների փոխազդեցությունից.

ZnS + 2 HCl = {ZnCl}_{2} + H_{2} S

Քիմիական հատկությունները:

1. Ծծմբաջրածնի ջրային լուծույթն անվանում են ծծմբաջրածնային թթու, որը թույլ երկհիմն թթու է.

\begin{array}{l} H_{2} S ⇄ H^{+} + (HS) {}^{-} \\ (HS) {}^{-}{⇄ H^{+} + S^{- 2}} \end{array}

Ծծմբաջրածնային թթուն ցուցաբերում է թթուներին բնորոշ հատկությունները օրինակ՝ փոխազդում է հիմքերի հետ` առաջացնելով երկու տեսակի աղ` չեզոք` սուլֆիդներ և թթու` հիդրոսուլֆիդներ: