Թթվածնի ֆիզիկական հատկությունները, ստացումը

Թթվածինը սովորական պայմաններում անգույն, անհոտ, անհամ գազ է:

Ջրում քիչ է լուծվում, սովորական պայմաններում մեկ լիտր ջրում \(30\) մլ թթվածին է լուծվում ( \(100\) ծավալ ջրում՝ \(3\) ծավալ թթվածին): Ջերմաստիճանը իջեցնելիս լուծելիությունը մեծանում է: Օրինակ՝ \(100\) ծավալ սառցաջրում (\(0°C\)) \(5\) ծավալ թթվածին է լուծվում:

Թթվածնի խտությունը \(0°C\)-ում և \(101\) կՊա ճնշման պայմաններում \(1,43\) գ/լ է, օդից ծանր է \(1, 11\ \)անգամ: Թթվածինը եռում է \(-183°C\)-ում, իսկ պնդանում է \(-219°C\)-ում՝ առաջացնելով բաց երկնագույն բյուրեղներ:

Թթվածնի ստացումը

Առաջին անգամ թթվածին ստացել են սնդիկի օքսիդի (\(HgO\)) քայքայումից: