1. Թթվածին, քիմիական տարր և պարզ նյութ

Թթվածինը երկրագնդի վրա ամենատարածված տարրն է: Երկրակեղևում այդ տարրի զանգվածային բաժինը \(47,2\) % է: Բնության մեջ թթվածին տարրը հանդիպում է  երեք կայուն իզոտոպների ձևով`  ${}^{16}0(99,8\%), {}^{17}0\text{և}{}^{18}0:$  

 

  

Թթվածինը պարբերական համակարգում գտնվում է երկրորդ պարբերության \(Vl\) խմբի գլխավոր ենթախմբում: Կարգաթիվը  \(8\) է, միջուկի լիցքը՝ \(+8\): Թթվածնի ատոմում առկա \(8\)  էլեկտրոնները ըստ էներգիական մակարդակների բաշխված են հետևյալ կերպ՝ առաջին մակարդակում` \(2\) էլեկտրոն, իսկ երկրորդում (արտաքին)` \(6\):  \(6\) էլեկտրոններից միայն երկուսը զույգված չեն: Ատոմին չի բավականացնում ընդամենը \(2\) էլեկտրոն մինչև կայուն օկտետի առաջացումը:

          Թթվածնի ատոմի կառուցվածքը

 

  

 Թթվածնի մոլեկուլի մոդել       Օզոնի մոլեկուլի մոդել

Հարաբերական մոլեկուլային զանգվածը՝ \(Mr\) (${\text{Օ}}_2$) \(=32\)

Մոլային զանգվածը՝ \(M\)(${\text{Օ}}_2$) \(=32\ \)գ/մոլ:

Մոլային ծավալը նորմալ պայմաններում՝ \(Vm =22,4\) լ/մոլ է:

Թթվածին պարզ նյութը կազմում է օդի \(1/5\) մասը  կամ ծավալի \(21\)  տոկոսը: Օդի թթվածինը հիմնականում ծախսվում է նյութերի այրման, օքսիդացման, օրգանական նյութերի նեխման և կենդանի օրգանիզմների շնչառության վրա: Սակայն, ծախսված թթվածինը վերականգնվում է լուսասինթեզով: