Օքսիդների քիմիական հատկությունները — դաս։ Քիմիա, 8-րդ դասարան.

Հիմնային օքսիդների քիմիական հատկությունները

1. Ալկալիական և հողալկալիական մետաղների օքսիդները փոխազդում են ջրի հետ՝ առաջացնելով ջրում լուծվող հիմքեր՝ ալկալիներ:

Հիմնային օքսիդ $+$ ջուր $→ $հիդրօքսիդ

Օրինակ

Կալցիումի օքսիդի և ջրի փոխազդեցությունից առաջանում է կալցիումի հիդրօքսիդ:

CaO + H_{2} O \to {Ca (OH)}_{2}

2. Հիմնային օքսիդները փոխազդում են թթուների հետ՝ առաջացնելով աղ և ջուր:

Հիմնային օքսիդ $+$ թթու $→$ աղ $+$ ջուր

CuO + H_{2} {SO}_{4} \to {CuSO}_{4} + H_{2} O

3. Հիմնային օքսիդները կարող են փոխազդել այլ տեսակի (թթվային և երկդիմի) օքսիդների հետ՝ առաջացնելով աղեր:

Հիմնային օքսիդ $+$ թթվային օքսիդ $→$աղ

Օրինակ

Մագնեզիումի օքսիդը փոխազդելով ածխածնի ($IV$) օքսիդի հետ՝ առաջացնում է մագնեզիումի կարբոնատ:

MgO + {CO}_{2} \to {MgCO}_{3}

Թթվային օքսիդների քիմիական հատկությունները

1. Թթվային օքսիդները փոխազդում են ջրի հետ` առաջացնելով թթու:

Թթվային օքսիդ $+$ ջուր $→$ թթու

Օրինակ
Ծծմբի (VI) օքսիդը փոխազդում է ջրի հետ՝ առաջացնելով ծծմբական թթու:

${SO}_{3} + H_{2} O \to H_{2} {SO}_{4}$

Ուշադրություն

Սիլիցիումի օքսիդը՝

{SiO}_{2}

ջրի հետ չի փոխազդում:

2. Թթվային օքսիդները փոխազդում են ալկալիների հետ՝ առաջացնելով աղ և ջուր:

Թթվային օքսիդ $+$ հիմք $→$ աղ $+$ ջուր

Օրինակ
Ծծմբի ($IV$) օքսիդը, փոխազդելով նատրիումի հիդրօքսիդի հետ,՝առաջացնում է նատրիումի սուլֆատ և ջուր:

${SO}_{2} + 2NaOH \to {Na}_{2} {SO}_{3} + H_{2} O$

3. Թթվային օքսիդները փոխազդում են հիմնային օքսիդների հետ՝ առաջացնելով աղեր:

Թթվային օքսիդ $+ $հիմնային օքսիդ $→ $աղ

Օրինակ

Ածխածնի ($IV$) օքսիդը փոխազդելով կալցիումի օքսիդի հետ՝ առաջացնում է կալցիումի կարբոնատ:

{CO}_{2} + CaO \to {CaCO}_{3}

Երկդիմի (ամֆոտեր) օքսիդների քիմիական հատկությունները

1.Երկդիմի օքսիդները փոխազդելով թթուների կամ թթվային օքսիդների հետ ցուցաբերում են հիմնային օքսիդներին բնորոշ (հիմնային) հատկություններ:Օրինակ
Ցինկի օքսիդի և աղղաթթվի փոխազդեցությունից առաջանում է ցինկի քլորիդ և ջուր:

$ZnO + 2HCl \to {ZnCl}_{2} + H_{2} O$

Իսկ ալյումինի օքսիդի և ազոտի ($V$) օքսիդի փոխազդեցությունից առաջանում է ալյումինի նիտրատ՝

{Al}_{2} O_{3} + 3 N_{2} O_{5} = 2 Al (N {O_{3})}_{3}

2. Երկդիմի օքսիդները՝ փոխազդելով ալկալիների կամ ալկալիական և հողալկալիական մետաղների օքսիդների հետ, ցուցաբերում են թթվային հատկություններ:

Երկդիմի օքսիդների և ալկալիների համահալումից ընթանում է քիմիական ռեակցիա, որի հետևանքով առաջանում է աղ և ջուր:

Օրինակ
Ցինկի օքսիդի և կալիումի հիդրօքսիդի համահալումից առաջանում է կալիումի ցինկատ և ջուր:

$ZnO + 2KOH \to K_{2} {ZnO}_{2} + H_{2} O$

Եթե ալյումինի օքսիդը համահալել նատրիումի հիդրօքսիդի հետ, ապա կառաջանա նատրիումի ալյումինատ և ջուր՝

{Al}_{2} O_{3} + 2 NaOH \to 2 NaAl O_{2} + H_{2} O

Բերիլիումի օքսիդի և կալիումի օքսիդի փոխազդեցությունից առաջանում է նատրիումի բերիլատ՝

BeO + {Na}_{2} O = {Na}_{2} Be O_{2}

Նախորդ տեսություն

Վերադառնալ թեմային

Հաջորդ տեսությունը

Գրեք մեզ

Սխա՞լ ես գտել

Տեղեկացրու մեզ

2. Օքսիդների քիմիական հատկությունները

Տեսություն