1. Ֆոսֆոր, ստացումը և ֆիզիկական հատկությունները

Ֆոսֆոր, ստացումը և ֆիզիկական հատկությունները

Ֆոսֆորի միակ կայուն իզոտոպն է

{}_{15}^{31}P

: Միացություններում ցուցաբերող հիմնական վալենտականություններն են՝ $III$ և $V$, իսկ օքսիդացման աստիճանները փոփոխվում են $-3$-ից մինչև $+5$

Բնության մեջ ազատ վիճակում չի հանդիպում, նրա հիմնական միացություններից է կալցիումի ֆոսֆատը, որը մտնում է ֆոսֆորիտների բաղադրության մեջ:

Կալցիումի ֆոսֆատ՝

{Ca}_{3} (P O_{4}) {}_{2}

Ստացումը

Էլեկտրական վառարաններում թթվածնի բացակայության պայմաններում հալում են կոքսի, ավազի և ֆոսֆորիտի խառնուրդը.

5 C + 3 Si Օ_{2} + {Ca}_{3} (P Օ_{4}) {}_{2}= 5 CO + 3 CaSi Օ_{3} + 2 P

Ստացված ֆոսֆորը ցնդում է (սուբլիմվում) և պնդանում մոմանման սպիտակ զանգվածի տեսքով:

Ֆոսֆորն առաջացնում է մի շարք տարաձևություններ: Դրանցից տարածված են սպիտակն ու կարմիրը:

Սպիտակ և կարմիր ֆոսֆորի ֆիզիկական հատկությունները

Կարևոր բնութագրիչներ	Սպիտակ ֆոսֆոր	Կարմիր ֆոսֆոր
Մոլեկուլի բանաձևը	$P_{4}$	$(P_{4}) {}_{n}$
Բյուրեղավանդակը	մոլեկուլային	ատոմային
Կայունությունը	անկայուն	կայուն
Գույնը	դեղնասպիտակավուն	կարմիր
Հոտը	սխտորի	հոտ չունի
Ֆիզիկական վիճակը	մոմանման պինդ նյութ	փոշի
Լուծելիությունը ջրում	չի լուծվում	չի լուծվում
Լուծելիությունը $C S_{2}$ -ում	լուծվում է	չի լուծվում
Թունավորությունը	թունավոր է	թունավոր չէ
Օքսիդացումը	օդում ինքնաբոցավառվում է, պահվում է ջրի տակ	$240°C$-ից բարձր ջերմաստիճանում
Ֆոսֆորեսցենտային Լուսարձակում	առկա է	չկա

Աղբյուրները

Լ.Ա.Սահակյան և ուրիշներ, քիմիա 9, Երևան 2015

Սխա՞լ ես գտել