էլեկտրոլիտային դիսոցման մեխանիզմը

Ջրում լուծելիս կամ հալելիս էլեկտրոլիտները տրոհվում են իոնների և հոսանք են հաղորդում, ինչում կարող ենք համոզվել էլեկտրահաղորդականություն ստուգող սարքի միջոցով.

0011-011-KHimicheskoe-dejstvie-elektricheskogo-toka-Vpervye-bylo-otkryto-v-1800g.jpg

Նյութի պատկանելիությունը էլեկտրոլիտներին կամ ոչ էլեկտրոլիտներին որոշվում է քիմիական կապի տեսակով:

Էլեկտրոլիտներ են իոնային կամ ուժեղ բևեռային կապով միացությունները:

Չոր վիճակում նատրիումի քլորիդը հոսանք չի հաղորդում, իսկ հալված վիճակում հաղորդում է: Պատճառն այն է, որ նատրիումի քլորիդի բյուրեղները կազմված են

{Na}^{+}

{Cl}^{-}

իոններից և հալույթում սկսում են ազատ շարժվել, տեղի է ունենում ջերմային դիսոցում.

NaCl \to {Na}^{+} + {Cl}^{-}

Ջրում լուծելիս նատրիումի քլորիդի բյուրեղավանդակի հանգույցներում գտնվող իոնների և ջրի երկբևեռ (դիպոլ) մոլեկուլների միջև տեղի է ունենում էլեկտրաստատիկական՝ իոն-դիպոլային փոխազդեցություն՝ իոնների հիդրատացում, ինչի արդյունքում հիդրատացված իոնները բյուրեղավանդակից պոկվում և բաշխվում են լուծույթի ողջ ծավալում.

Կովալենտային բևեռային կապով միացությունները, օրինակ՝ քլորաջրածինը՝ \(HCl\) ջրում լուծելիս վերջինիս և ջրի երկբևեռ մոլեկուլների միջև տեղի է ունենում էլեկտրաստատիկական՝ դիպոլ-դիպոլային փոխազդեցություն, ինչը կրկին հանգեցնում է հիդրատացված իոնների առաջացման և մոլեկուլների տրոհման.

HCl ⇄ H^{+} + {Cl}^{-}

Ուշադրություն

Ջրային լուծույթներում էլեկտրոլիտների դիսոցման հիմնական պատճառը իոնների հիդրատացումն է:

Դիսոցման գործընթացում շատ կարևոր է լուծիչի դերը: Օրինակ՝ կերակրի աղը լուծվում և դիսոցվում է ջրում, սակայն որոշ չափով լուծվում է նավթում , բայց չի դիսոցվում:

Ուշադրություն

Ոչ բևեռային մոլեկուլներով լուծիչներում էլեկտրոլիտները չեն դիսոցվում:

Աղբյուրները

Լ.Ա.Սահակյան և ուրիշներ, քիմիա 9, Երևան 2015

Նախորդ տեսություն

Վերադառնալ թեմային

Հաջորդ առաջադրանքը

Գրեք մեզ

Սխա՞լ ես գտել

Տեղեկացրու մեզ

2. էլեկտրոլիտային դիսոցման մեխանիզմը

Տեսություն