2. Գազի հարաբերական խտությունը

Ավոգադրոյի օրենքից բխում է կարևոր հետևությունը:

Միատեսակ պայմաններում չափված հավասար ծավալներով երկու տարբեր գազերի զանգվածների հարաբերությունը հաստատուն մեծություն է և կոչվում է առաջին գազի հարաբերական խտություն ըստ երկրորդ գազի: 

 

Ըստ սահմանման, եթե $V_1=V_2$, ապա`  $D=\frac{m_1}{m_2}$

 

Օգտվելով գազի խտության հայտնի բանաձևից, կարող ենք արտածել հարաբերական խտությունը հաշվելու ևս մեկ բանաձև.   

 

$p_1=\frac{m_1}{V_1}$,   $p_2=\frac{m_2}{V_2}$,   հետևաբար՝  $D=\frac{p_1}{p_2}$ 

 

Նկատի ունենալով, որ միատեսակ պայմաններում բոլոր գազերի մոլային ծավալները հավասար են, կարող ենք զանգվածների հարաբերության փոխարեն կիրառել գազերի մոլային զանգվածների հարաբերությունը.

 

$\frac{m_1}{m_2}=\frac{n_1\cdot M_1}{n_2\cdot M_2}=\frac{M_1}{M_2}$, և ստանալ կիրառման տեսակետից առավել հարմարավետ բանաձև՝ $D=\frac{M_1}{M_2}$ 

 

Հաճախ գազի հարաբերական խտությունը հաշվում են ըստ ամենաթեթև գազի՝ ջրածնի  նկատմամբ՝ $D=\frac{M(X)}{M(H_2)}$ կամ ըստ օդի՝  $D=\frac{M(X)}{M(\text{օդ})}$ 

 

Վերջին բանաձևը կարևոր է նաև գործնականում (օդերևութաբանություն, օդային տրանսպորտ և այլն):  Եթե որևէ գազի հարաբերական խտությունն ըստ օդի մեկից մեծ է, նշանակում է այն օդից ծանր գազ է, իսկ եթե մեկից փոքր է, նշանակում է, որ տվյալ գազն օդից թեթև է:  

                                           

 

Ինչպես երևում է նկարից, քլորը ծանր է օդից, նրանով լցված փուչիկը ընկած է հատակին, իսկ հելիումով լցված փուչիկը ամրացված է հատակին, այն թեթև է օդից և ձգտում է բարձրանալ վեր,այսինքն ունի որոշակի վերամբարձ ուժ: 

 

Նկարում բերված օդապարիկն օգտագործվել է ռազմական  նպատակներով: