Ջրածնի ֆիզիկական և քիմիական հատկությունները

Ջրածինը անհոտ, անգույն, օդից \(14,5\) անգամ թեթև գազ է:

Ջրում գործնականորեն չի լուծվում (սովորական պայմաններում \(100\) լ ջրում լուծվում է \(2\) լ ջրածին, հեղուկանում է՝ \(-253° C\):

Սովորական պայմաններում ջրածին պարզ նյութը՝

H_{2}

, փոխազդում է միայն ֆտորի հետ, իսկ քլորի հետ՝ լույսի ազդեցության տակ: Բազմաթիվ քիմիական տարրերի ատոմների հետ այն փոխազդում է տաքացման պայմաններում:

ջրածնnվ լցված օճառի պղպջակ

1. Ջրածնի փոխազդեցությունը մետաղների հետ

Բարձր ջերմաստիճանում ջրածինն անմիջականորեն փոխազդում է որոշ մետաղների հետ (հիմնականում ալկալիական և հողալկալիական)՝ առաջացնելով մետաղների հիդրիդներ:

Օրինակ 1՝

H_{2} + 2Na = 2 NaH

նատրիումի հիդրիդ

Օրինակ 2՝

Ca + H_{2} = Ca H_{2}

կալցիումի հիդրիդ

Հիդրիդները սպիտակ, իոնային կապերով, բյուրեղային նյութեր են:

Մետաղների հիդրիդները ջրում հեշտությամբ քայքայվում են՝ առաջացնելով համապատասխան ալկալի և ջրածին:

Օրինակ՝

Ca H_{2} + {2H}_{2} O = Ca (O {H)}_{2} + {2H}_{2}

կալցիումի հիդրիդի և ջրի փոխազդեցությունը

Մետաղների հետ փոխազդելիս ջրածնի ատոմը վերածվում է հիդրիդ իոնի՝

H^{0} + \bar{e} = H^{-}

2. Ջրածնի փոխազդեցությունը ոչ մետաղների հետ

Ա) Հալոգենների հետ ջրածինն առաջացնում է հալոգենաջրածիններ:

Օրինակ ՝

H_{2} + {Cl}_{2} = 2HCl

ռեակցիայի արգասիքն է՝ քլորաջրածին:

Բ) Ծծմբի հետ տաքացման պայմաններում առաջանում է ծծմբաջրածին՝

H_{2} + S \overset{}{=} H_{2} S

Գ) Ազոտի հետ առաջանում է ամոնիակ միայն կատալիզատորի ներկայացմամբ, բարձր ճնշման և ջերմաստիճանի պայմաններում՝

{3H}_{2} + N_{2} = 2N H_{3}

Ջրածնի փոխազդեցությունը ոչ մետաղների հետ կարելի է ներկայացնել հետևյալ ընդհանուր ուրվագրով՝

H^{0} - \bar{e} = H^{+}

3. Ջրածնի փոխազդեցությունը մետաղների օքսիդների հետ

Ջրածինն օգտագործվում է խիստ արժեքավոր որոշ մետաղների օքսիդներից՝ ազատ վիճակում մետաղ ստանալու համար:

Օրինակ՝

{WO}_{3} + 3 H_{2} \overset{}{=} W + {3H}_{2} O

վոլֆրամի (VI) օքսիդ վոլֆրամ

Ջրածնի փոխազդեցությունը մետաղների օքսիդների հետ կարելի է ներկայացնել հետևյալ ուրվագրով՝

{Me}_{x} O_{y} + H_{2} \to Me + H_{2} O

Սխա՞լ ես գտել

2. Ջրածնի ֆիզիկական և քիմիական հատկությունները