Նյութերի հատկությունները
Բոլոր նյութերը բնութագրվում են որոշակի հատկություններով: Նյութերի հատկություններից են օրինակ, ագրեգատային վիճակը, գույնը, հոտը, համը, խտությունը, հալման և եռման ջերմաստիճանները, էլեկտրահաղորդականությունը, ջերմահաղորդականությունը, մագնիսական հատկությունը, ամրությունը ( պինդ նյութի դեպքում): Ի դեպ, սրանք բոլորը նյութի ֆիզիկական հատկություններն են, որոնք բացառապես կախված են նյութի կառուցվածքից:
Հատկություննայն բնութագրիչն է, որով նյութերը նմանվում են իրար կամ տարբերվում միմյանցից:
Սովորական պայմաններում նյութերի ագրեգատային վիճակները երեքն են՝ պինդ, հեղուկ ու գազային:
Պինդ նյութեր են, օրինակ՝ ոսկին, շաքարը, կավիճը և այլն:
Հեղուկ նյութեր են` կաթը, նավթը, բուսական յուղը և այլն:
Գազային նյութեր են` թթվածինը, ջրածինը, ածխաթթու գազը և այլն:
Արտաքին պայմաններից կախված՝ միևնույն նյութը կարող է լինել տարբեր ագրեգատային վիճակներում:
Օրինակ
Ջուրը ցածր ջերմաստիճանում պինդ է, (\(101\) ԿՊա մթնոլորտային ճնշման պայմանում)` հեղուկ, իսկ բարձր ջերմաստիճանում՝ գոլորշի:
Տարբեր հատկություններից ելնելով՝ նյութերը կիրառում են տարբեր նպատակներով: