1. Մետաղադրամի փորձը

Դիտարկենք մետաղադրամի նետման պատահական փորձը:

Մետաղադրամն ունի երկու կողմ՝ «զինանիշը» և «թիվը»: Եթե նետում ենք մետաղադրամը, ապա այս պատահական փորձն ունի երկու հնարավոր ելք՝ կընկնի «զինանիշը» կամ կընկնի «թիվը»:

 

Ենթադրենք դու ուզում ես, որ ընկնի «զինանիշը», իսկ քո ընկերը՝ որ ընկնի «թիվը»:

Դուք կատարում եք $15$ նետում: «Զինանիշը» ընկնում է $7$ անգամ, իսկ «թիվը՝» $8$ անգամ: Հետո դուք կատարում եք $100$ նետում: «Զինանիշը» ընկնում է $52$ անգամ, իսկ «թիվը՝» $48$:

Դուք նկատում եք, որ քո օգտին ընկած ելքերի թիվը շատ չի տարբերվում ընկերոջդ օգտին ընկած ելքերի թվից:

 

Պարզվում է, որ սա ընդհանուր օրինաչափություն է:

Սա նշանակում է, որ «Կընկնի զինանշանը» և «Կընկնի թիվը» պատահույթները հավասարահավանական են՝ երկու հնարավոր ելքերից մեկը նպաստում է առաջին պատահույթին, մյուսը՝ երկրորդին: