Երկարության չափումը
Չափել՝ նշանակում է չափվող մեծությունը համեմատել հայտնի չափման միավորի հետ:
Մետրի չափանմուշը
ՄՀ-ում երկարության հիմնական միավորը մետրն է՝ [մ]:
Մարմնի երկարությունը չափելու համար օգտագործվող չափիչ սարքերը.
 Չափերիզ |  Չափերիզ |  Չափաքանոն |  Լազերային հեռաչափ |
Փոքր մարմինների չափսերի որոշման համար օգտագործում են ձողակարկին (штангенциркуль) և մանրաչափ (միկրոմետր):
 Ձողակարկին |  Ձողակարկին |  Ձողակարկին |  Մանրաչափ |
Հնում որպես երկարության չափման միավոր ծառայել են մարդու հասակի կամ մարմնի որևէ մասի երկարություն: Երկարության չափերի մասին վկայում են մի շարք անվանումներ՝ ոտք (տղամարդու ոտնաթաթի միջին չափը), մատ (տղամարդու բթամատի միջին լայնքը)։
Տարբեր ժողովուրդներ օգտագործել են տարբեր չափման միավորներ:
Օրինակ, ռուսներն օգտագործել են կանգուն (տղամարդու արմունկից մինչև միջնամատի ծայրը), թեք սաժեն (տղամարդու ձախ ոտնաթաթից մինչև վեր բարձրացրած աջ ձեռքի միջնամատի ծայրը) և այլն:
Միջնադարյան Հայաստանում կիրառվել են փոքր ոտնաչափը (մոտ \(26,5\) սմ), միջին ոտնաչափը (մոտ \(30,9\) սմ), մեծ կամ փիլետերյան ոտնաչափը (մոտ \(35,6\) սմ) և այլն:
Երկարության արտահամակարգային անգլիական միավորներ
| Ծովային մղոն | \(1,85\) կմ |
| Ոտնաչափ | \(304,8\) մմ |
| Մատնաչափ (inch) | \(25,4\) մմ |
| Յարդ | \(914,4\) մմ |
Երկարության արտահամակարգային ռուսական միավորներ
| Մղոն | \(7,47\) կմ |
| Վերստ | \(1,07\) կմ |
| Արշին | \(711,2\) մմ |
| Վերշոկ /աջափ/ | \(44,45\) մմ |