4. Թեթև արդյունաբերություն

Թեթև և սննդի արդյունաբերական ճյուղերը արդյունաբերության հին ճյուղերից են, որոնք հիմնականում արտադրում են սպառման առարկաներ, բնակչությանն ապահովում են սննդով և հագուստով: 

 

Թեթև արդյունաբերությունը համալիր ճյուղ է, որի գլխավոր ենթաճյուղերն են գործվածքի, կարի, տրիկոտաժի, գորգերի արտադրությունները: 

Գորգագործությունը Հայաստանի թեթև արդյունաբերության ավանդական ենթաճյուղերից է: Նկարում «Մեգերյան կարպետ» թանգարանի սրահներից մեկն է:

 

 

Թեթև արդյունաբերությունը թեև հին ճյուղ է, բայց անընդհատ փոփոխության է ենթարկվում ինչպես հումքի և արտադրանքի փոփոխության, այնպես էլ մարդկանց պահանջներին համապատասխան՝ հատակապես նորաձևության թելադրանքով: Ներկայումս նորաձևության «օրենսդիրներ» են համարվում Ֆրանսիայի, Իտալիայի, ԱՄՆ-ի, Ճապոնիայի նորաձևության տները:

 

 

 

Թեթև արդյունաբերությունը շարունակում է մնալ աշխատատար ճյուղ՝ որպես աշխատուժ ներգրավելով հիմնականում կանանց: Այդ  պատճառով էլ թեթև արդյունաբերության ձեռնարկությունները տեղաբաշխված են աշխատուժի կենտրոնացման շրջաններում: Թեթև արդյունաբերության տեղաբաշխումն ունի համատարած բնույթ: Այն տարածված  շէ աշխարհի բոլոր երկրներում:

 

 

Արհեստական հումքի` քիմիական մանրաթելերի և դրանցից պատրաստվող գործվածքների արտադրությամբ, ընդհակառակը, առաջատար են զարգացած երկրները, հատկապես ԱՄՆ-­ը, Ճապոնիան, Մեծ Բրիտանիան, Ֆրանսիան և այլն: 

 

Արհեստական մանրաթելերի արտադրությունը