Սիրելի ԻմԴպրոցականներ, այսօր ԻմԴպրոցը նշում է իր ստեղծման և գործունեության 6 ամյակը: Հպարտությամբ կարող ենք փաստել, որ ստեղծման օրից ի վեր ԻմԴպրոցը ոչ միայն կայացել է, այլև կարողացել է գտնել իր ուրույն տեղը ՀՀ կրթական համակարգում:
«ԻմԴպրոց» կայքը դարձել է ոչ միայն շատ կարևոր, այլև անփոխարինելի բազմաֆունկցիոնալ ինտերնետ ռեսուրս ուսուցիչների, դպրոցականների, ինչպես նաև նրանց ծնողների համար։
Այս վեց տարվա ընթացքում մեր կայքում գրանցվել է ավելի քան 170 000 օգտատեր ինչպես Հայաստանից, այնպես էլ ԱՄՆ-ից, Վրաստանից, Ռուսաստանից և այլ երկրներից: Կայքում ակտիվ գործունեություն է ծավալում 2070 ուսումնական հաստատություն՝ դպրոցներ, միջին մասնագիտական և բարձրագույն ուսումնական հաստատություններ: Իսկ կայքի Առարկաներ բաժինը միշտ համալրվում է թարմ և որակյալ նյութերով, որոնք համապատասխանում են ՀՀ ԿԳՄՍ նախարարության կողմից հաստատված պետական ծրագրերին և չափորոշիչներին։
Շնորհավորում ենք մեր բոլոր օգտատերերին և ԻմԴպրոց թիմի անդամներին, այս գեղեցիկ օրվա առիթով։ Ցանկանում ենք ԻմԴպրոցին անխափան, արգասաբեր աշխատանք և, իհարկե, նորանոր հաջողություններ ու բարձունքներ։
Շնորհակալ ենք ԻմԴպրոցի բոլոր օգտատերերին, գործընկերներին, այս տարիների ընթացքում մեր կողքին լինելու և մեզ աջակցելու համար: Մեր գրանցած հաջողությունները պարտավորեցնում են ավելի լավ աշխատել, էլ ավելի բարձրացնել կրթական ռեսուրսի որակը և վստահ քայլերով շարժվել առաջ:
Սիրով՝ ձեր ԻմԴպրոց