Ռ - Ր բաղաձայնների արտասանությունը և ուղղագրությունը
Մնացած բառերի սկզբում լսվող ռ հնչյունը գրվում է ռ տառով՝ ռազմիկ, ռետին, ռադիո, ռուս, ռումբ, Ռուբեն և այլն:
2. Բառամիջում լսվող ռ հնչյունը գրվում է ռ տառով, իսկ ր հնչյունը ր տառով: Օրինակ՝ ռ-ով գրվում են՝ առնել, առնետ, բռնել, նռնակ, գառնուկ, դռնակ, դառնալ, եղեռն, խառնուրդ, պառկել, ճանկռել, թռչկոտել, սպառնալ, անտառ, նուռ, շառաչել և այլն:
ր-ով գրվում են՝ արժեք, արդեն, արծիվ, արցունք, արջ, արտ, գորտ, որջ, արհամարհել, գարշելի, թրթուր, կրծել, կրճտացնել, կրճատել, մարմար, փրփուր:
3. Ռ-ով վերջացող արմատի կրկնությամբ կազմված բառերում առաջին ռ-ն փոխվում է ր-ի:
Այսպես՝ բառ + բառ = բարբառ, գիռ + գիռ = գրգիռ, թիռ + թիռ = թրթիռ, կառ + կառ = կարկառ, մուռ + մուռ = մրմուռ, սառ + սառ = սարսուռ:
Բացառություն են եռուզեռ, զառվառ, թռվռալ,ծռմռել,ծուռումուռ, վառվռուն բառերը, որոնք գրվում են ռ-երով:
4. Եթե արմատի կրկնությամբ կազմված բառերը բնաձայնություն կամ նմանաձայնություն են, ապա ռ-ն մնում է անփոփոխ, օրինակ՝ գոռգոռալ, մռմռալ (կատուն), կռկռալ, հռհռալ, գռգռալ, դռդռալ, ճռճռալ, փռթկացնել, պոռթկալ:
Ուշադրություն
Կրծել, կրճտացնել, սրթսրթալ, կերկերուն բառերը չնայած ձայնի իմաստ ունեն, բայց գրվում են ր-ով: