Սովորական կոտորակի և խառը թվի ներկայացումը տասնորդական կոտորակի տեսքով

Սովորական կոտորակների ներկայացումը տասնորդական կոտորակների տեսքով

\frac{1}{5}; \frac{3}{4}; \frac{2}{125}

սովորական կոտորակները տասնորդական կոտորակների տեսքով ներկայացնելու համար պետք է սկզբում այնպես անել, որ դրանց հայտարարները հավասար լինեն որևէ կարգային միավորի (\(10\), \(100\), \(1000\ \), ...):

Դրա համար պետք է կոտորակների համարիչներն ու հայտարարները բազմապատկել համապատասխան լրացուցիչ արտադրիչներով:

Առաջին կոտորակում՝ \(2\)-ով, երկրորդում՝ \(25\)-ով, երրորդում՝ \(8\)-ով:

\begin{array}{l} \frac{1^{(2}}{5} = \frac{2}{10} = 0,2 \\ \frac{3^{(25}}{4} = \frac{75}{100} = 0,75 \\ \frac{2^{(8}}{125} = \frac{16}{1000} = 0,0 16 \end{array}

Ուշադրություն

Ոչ բոլոր սովորական կոտորակներն է հնարավոր գրել տասնորդական կոտորակի տեսքով:

Օրինակ՝

\frac{1}{3}; \frac{2}{7}; \frac{5}{19}

կոտորակները հնարավոր չէ գրել տասնորդական կոտորակների տեսքով, քանի որ չկան այնպիսի լրացուցիչ արտադրիչներ, որոնցով բազմապատկելով ստանանք \(10\), \(100\), \(1000\ \), ... թվերը (դրանք անմնացորդ չեն բաժանվում կոտորակների հայտարարների վրա): Այդպիսի կոտորակները կուսումնասիրենք բարձր դասարաններում:

Խառը թվերի դեպքում լրացուցիչ արտադրիչով բազմապատկում ենք կոտորակային մասի համարիչն ու հայտարարը, իսկ ամբողջ մասը մնում է անփոփոխ և դառնում է տասնորդական կոտորակի ամբողջ մասը:

\begin{array}{l} 73 \frac{1^{(5}}{2} = 73 \frac{5}{10} = 73,5 \\ 102 \frac{17^{(2}}{50} = 102 \frac{34}{100} \\ 9 \frac{11^{(4}}{250} = 9 \frac{44}{1000} = 9,044 \end{array}

Աղբյուրները

Բ. Նահապետյան, Ա. Աբրահամյան, Մաթեմատիկա 6-րդ դասարան, ՄԱՆՄԱՐ, 2012:

Նախորդ տեսություն

Վերադառնալ թեմային

Հաջորդ առաջադրանքը

Գրեք մեզ

Սխա՞լ ես գտել

Տեղեկացրու մեզ

2. Սովորական կոտորակի և խառը թվի ներկայացումը տասնորդական կոտորակի տեսքով

Տեսություն