Տառեր և բանաձևեր — դաս։ Մաթեմատիկա, 6-րդ դասարան.

Տառեր և բանաձևեր

Մաթեմատիկայում շատ մեծություններ ունեն իրենց հատուկ նշանակումները:

Մակերեսն ընդունված է նշանակել \(S\) մեծատառով, պարագիծը՝ \(P\) մեծատառով, ուղղանկյան կողմերը՝ \(a\) և \(b\) փոքրատառերով, անցած ճանապարհը՝ \(s\) փոքրատառով, արագությունը \(v\), իսկ ժամանակը \(t\) տառերով:

Ուղղանկյան մակերեսը հավասար է նրա կից կողմերի արտադրյալին՝

S = a \cdot b

прямоугolnik.png

Ուղղանկյան պարագիծը հավասար է նրա բոլոր կողմերի գումարին՝

P = a + a + b + b = 2 \cdot (a + b)

Անցած ճանապարհը հավասար է արագության և ժամանակի արտադրյալին՝

s = v \cdot t

Որևէ մեծության արժեքի հաշվման կանոնը նկարագրող գրառումը կոչվում է բանաձև:

Ուշադրություն

Հետևաբար, վերևում բերված բոլոր գրառումները բանաձևեր են:

Կիրառելով այդ բանաձևերը, կարելի է հաշվել ուղղանկյան մակերեսն ու պարագիծը, անցած ճանապարհը:

Օրինակ

Դիցուք \(a = 12 սմ\) և \(b = 18 սմ\), ապա

S = 12 \cdot 18 = 216 ({սմ}^{2}); P = 2 \cdot (12 + 18) = 60 (սմ)

Եթե \(v = 15 կմ/ժ\) և \(t = 2ժ\), ապա

s = 15 \cdot 2 = 30 (կմ)

Աղբյուրները

Բ. Նահապետյան, Ա. Աբրահամյան, Մաթեմատիկա 6-րդ դասարան, ՄԱՆՄԱՐ, 2012:

Վերադառնալ թեմային

Հաջորդ առաջադրանքը

Գրեք մեզ

Սխա՞լ ես գտել

Տեղեկացրու մեզ