1. Տառային արտահայտություններ

Մենք շատ անգամ ենք համոզվել, թե որքան հարմար է գրառումները կարճ ներկայացնել հատուկ նշանների միջոցով: Դրա լավագույն օրինակն է թվերի դիրքային գրառումը $0,1,2,3,4,5,6,7,8,9$ թվանշանների միջոցով:

 

Գիտենք թվաբանական գործողությունների նշանները՝ $+-:\times$

 

Հիշենք նաև համեմատման նշանները $=\ne <>$ և փակագծերը՝ $()$:

Մեր ստացած $2\cdot x+4\cdot y$ արտահայտությունը տառային արտահայտություն է:  

 

Որոշ դեպքերում պարզության համար ընդունված է բազմապատկման նշանը չգրել՝ օրինակ՝ $2\cdot x+4\cdot y$ գրառման փոխարեն գրում են $2x+4y$:

 

Տառային արտահայտության արժեքը գտնելու համար, պետք է ունենալ նրա մեջ եղած տառերի արժեքները:  

 

Եթե վերցնենք \(x = 40\) դրամ և \(y = 100\) դրամ, ապա կստանանք $2x+4y=2\cdot 40+4\cdot 100=480$:

 

Ստացած \(480\) թիվը $2x+4y$ տառային արտահայտության արժեքն է: