Գումարման զուգորդական հատկությունը
Նկարում կա \(3\) կապույտ քար, \(1\) կարմիր քար և \(5\) կանաչ քար:
Հաշվենք գունավոր քարերի ընդհանուր թիվը:
Գումարը հաշվենք երկու եղանակով:
1-ին եղանակ:
\(3\) կապույտ քարերին գումարենք \(1\) կարմիր քարը և ստացված գումարին ավելացնենք \(5\) կանաչ քարերը:
Ստանում ենք՝
\((3 + 1) + 5 = 4 + 5 = 9\)
2-րդ եղանակ:
\(1\) կարմիր քարին գումարենք \(5\) կանաչ քարերը և \(3\) կապույտ քարերին ավելացնենք ստացված գումարը:
Ստանում ենք՝
\(3 + (1 + 5) = 3 + 6 = 9\)
Տեսնում ենք, որ երկու եղանակներով հաշվելիս ստացվում է քարերի նույն քանակը՝ \(9\)
Եզրակացություն՝ \((3 + 1) + 5 = 3 + (1 + 5)\)
Այս կանոնը ճիշտ է նաև ընդհանուր դեպքում:
Երկու թվերի գումարին երրորդ թիվը գումարելիս կարելի է առաջին թվին գումարել երկրորդ և երրորդ թվերի գումարը:
Այս կանոնը կոչվում է գումարման զուգորդական հատկություն:
Օրինակ
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Ռ. Սարգսյան, Մաթեմատիկա 4-րդ դասարան, Զանգակ, 2013