Միևնույն կարգի գործողությունների կատարման կարգը

Թվային արտահայտությունները կազմվում են թվերից՝ թվաբանական գործողությունների նշանների օգնությամբ:

Թվային արտահայտություններ.

Օրինակ

3 + 4, 14 - 7, 2 \cdot 3, 18 : 2

Եթե կատարել թվային արտահայտության բոլոր գործողությունները,ապա կստանանք թիվ, որը կոչվում է արտահայտության արժեք:

Գործողությունների կարգը առանց փակագծերի արտահայտություններում

Թվային արտահայտությունների արժեքները ճիշտ հաշվելու համար կարևոր է գործողությունները կատարել ճիշտ հերթականությամբ:

1) Գումարումն ու հանումը միևնույն կարգի գործողություններ են:

2) Բազմապատկումն ու բաժանումը նույնպես միևնույն կարգի գործողություններ են:

3) Բազմապատկումն ու բաժանումը ավելի բարձր կարգի գործողություններ են, քան գումարումն ու հանումը:

Ձևակերպենք միևնույն կարգի գործողությունների կատարման կանոնը:

Արտահայտության արժեքը հաշվելիս միևնույն կարգի գործողությունները կատարվում են գրված հերթականությամբ՝ ձախից աջ:

Եթե արտահայտության արժեքը հաշվելու համար պետք է կատարել միայն գումարման և հանման կամ բազմապատկման և բաժանման գործողությունները, ապա այդ գործողությունները պետք է կատարել գրված հերթականությամբ՝ ձախից աջ:

Գործողությունների հերթականությունը ներկայացնելու համար դրանք համարակալում են՝ նշելով համարները գործողությունը ցույց տվող նշանի վրա:

10 \overset{1}{+} 5 \overset{2}{-} 2 \overset{3}{+} 6 = 15 \overset{1}{- 2} \overset{2}{+} 6 = 13 + 6 = 19

10 \overset{1}{:} 5 \overset{2}{\cdot} 2 \overset{3}{:} 2 = 2 \overset{1}{\cdot} 2 \overset{2}{:} 2 = 4 : 2 = 2

Աղբյուրները

Ս. Մկրտչյան, Ս. Իսկանդարյան, Ա. Աբրահամյան, Ռ. Սարգսյան, Մաթեմատիկա 4-րդ դասարան, Զանգակ, 2013

Վերադառնալ թեմային

Հաջորդ առաջադրանքը

Գրեք մեզ

Սխա՞լ ես գտել

Տեղեկացրու մեզ

1. Միևնույն կարգի գործողությունների կատարման կարգը

Տեսություն