Խնդրի համառոտագրություն

Խնդիրը լավ հասկանալու համար հարմար է կարճ գրել խնդրի պայմաններն ու պահանջը: Դա անվանում են խնդրի համառոտագրություն:

Մայրիկը խանութից գնեց \(10\) կանաչ խնձոր, և \(3\)-ով քիչ՝ կարմիր խնձոր: Ընդամենը քանի՞ խնձոր գնեց մայրիկը:

Այս խնդիրը կարելի է համառոտագրել հետևյալ կերպ.

\begin{array}{l} կանաչ խնձոր - 10 հատ \\ կարմիր խնձոր - 3 - ով քիչ \end{array}\} ?

Ուշադրություն

Համառոտագրությունից տեսնում ենք, որ խնդիրը լուծելու համար պետք է կատարել երկու գործողություն:

1-ին գործողություն:

Պարզենք, թե քանի՞ կարմիր խնձոր գնեց մայրիկը:

\(3\)-ով քիչ նշանակում է պետք է հանել \(3\):

\(10 - 3 = 7\)

Մայրիկը գնեց \(7\) կարմիր խնձոր:

2-րդ գործողություն:

Պարզենք, թե ընդամենը քանի՞ խնձոր գնեց մայրիկը:

Ընդամենը նշանակում է պետք է գումարել:

\(10 + 7 = 17\)

Պատասխան՝ մայրիկը գնեց ընդամենը \(17\) խնձոր:

Աղբյուրները

Ս. Մկրտչյան, Ս. Իսկանդարյան, Ա. Աբրահամյան, Մաթեմատիկա 3-րդ դասարան, Զանգակ, 2014:

Սխա՞լ ես գտել

1. Խնդրի համառոտագրություն