Զանգվածի չափման միավորները
Մարդիկ զանգվածը հիմնականում չափում են կշեռքի միջոցով:
Այս կշեռքի վրա \(2\) կոնֆետները ավելի ծանր են, քան \(1\) խնձորը:
Կշեռքի վրա ավելի ծանր առարկան ավելի ներքև է գտնվում:
Այս նկարի վրա ձմերուկի զանգվածը \(7\) կգ է, քանի որ ձմերուկը հավասարակշռում է \(1 + 5 + 1 = 7\) կգ զանգվածով կշռաքարերը:
Հավասար զանգվածներով առարկաները կշեռքի վրա միմյանց հավասարակշռում են:
Գրամը, կիլոգրամը, տոննան զանգվածի չափման հաճախ օգտագործվող միավորներն են: Դրանց միջև գոյություն ունի կապ:
\(1\) կիլոգրամում կա \(1000\) գրամ:
\(1\) տոննայում կա \(1000\) կիլոգրամ:Գրամը, կիլոգրամը, տոննան կարճ գրում են այսպես՝
գրամ \(=\) գ
կիլոգրամ \(=\) կգ
տոննա \(=\) տ
Երբ առարկան դնում ենք ժամանակակից կշեռքի վրա, ապա կշեռքը ցույց է տալիս առարկայի զանգվածը թվերով: Օրինակ՝ երբ մարդը կանգնում է կշեռքի վրա, ապա կշեռքը ցույց է տալիս մարդու զանգվածը թվերով:
Եթե կշեռքի վրա դնում ենք միրգ կամ բանջարեղեն, ապա կշեռքը ցույց է տալիս դրվածի զանգվածը:
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Մաթեմատիկա 3-րդ դասարան, Զանգակ, 2014: