Երկնիշ թվի բաժանումը միանիշ թվի

Երկնիշ թիվը միանիշ թվի բաժանելու համար պետք է կատարել հետևյալ քայլերը.

1. Երկնիշ թիվը ներկայացնել հարմար ընտրված թվերի գումարի տեսքով:

2. Յուրաքանչյուր գումարելի բաժանել տրված միանիշ թվի վրա:

3. Ստացված արդյունքները գումարել:

Հետևյալ գծապատկերի միջոցով հասկանանք \(56 : 4 = 14\) բաժանման քայլաշարը.

Առաջին տողում գրված է բաժանելին՝ \(56\)-ը:

Երկրորդ տողում \(56\)-ը ներկայացված է \(40\) և \(16\) թվերի գումարի տեսքով՝ \(56 = 40 + 16\):

Երրորդ տողում գրված է բաժանարարը՝ \(4\)-ը:

Չորրորդ տողում \(40\) և \(16\) գումարելիները բաժանված է \(4\)-ի՝ \(40 : 4 = 10\), \(16 : 4 = 4\):

Վերջին տողում ստացված թվերը գումարված են՝ \(10 + 4 = 14\):

Օրինակ

Կատարենք

38 : 2

բաժանումը:

Բաժանումը կատարենք վերևի քայլաշարով:

1. \(38\)-ը ներկայացնենք հարմար գումարելիների գումարի տեսքով՝

38 = 20 + 18

2. Յուրաքանչյուր գումարելի բաժանենք \(2\)՝

20 : 2 = 10, 18 : 2 = 9

3. Գումարենք ստացված արդյունքները՝

10 + 9 = 19

Պատասխան՝

38 : 2 = 19

Նույն քայլաշարով միանիշ թվի կարելի է բաժանել եռանիշ և քառանիշ թվերը:

Բաժանման արդյունքը կախված չէ, թե ինչ թվերի գումարի տեսքով է ներկայացված երկնիշ թիվը:

Ուշադրություն

Հետևաբար, երկնիշ թիվը կարելի է ներկայացնել հարմար ընտրված գումարելիների գումարի տեսքով:

Աղբյուրները

Ս. Մկրտչյան, Ս. Իսկանդարյան, Ա. Աբրահամյան, Մաթեմատիկա 3-րդ դասարան, Զանգակ, 2014:

Սխա՞լ ես գտել

1. Երկնիշ թվի բաժանումը միանիշ թվի