2. Պարբերության ձևաչափի սահմանում

Տեքստի կարևորագույն բաղադրիչ տարրերից մեկն է պարբերությունը։

Պարբերությունն ամբողջական միտք արտահայտող տեքստի հատված է, որի ավարտը բնական դադար է ստեղծում տեքստի  հաջորդ՝ այլ միտք արտահայտող հատվածին անցնելու համար։

 

Որպեսզի տեքստային խմբագրիչը նոր պարբերություն սկսի, պետք է սեղմել Enter ստեղնը։ Պարբերությունն ավարտելիս կրկին պետք է սեղմել Enter-ը, որն էլ միևնույն ժամանակ հաջորդ պարբերության սկիզբ կհանդիսանա։

Պարբերությունները սովորաբար ձևավորվում են որոշակի պարամետրերով, որոնց համախումբն անվանում են պարբերության ձևաչափ։ Word տեքստային խմբագրիչում պարբերության ձևաչափի բաղադրիչ պարամետրեր են.

 

• առաջին տողի սկիզբը,
• միջտողային հեռավորությունը,
• աջ և ձախ սահմանները,
• պարբերության հավասարեցման եղանակը,
• պարբերությանը նախորդող և հաջորդող տողերի հեռավորությունները։

Ծանոթանանք թվարկված առաջին երեք պարամետրերին ու դրանք սահմանելու որոշ եղանակներին։

 

 

Որպես միջտողային հեռավորության չափման միավոր ընդունվում է պարբերությունում տառաշարի ամենախոշոր պայմանանշանի չափը։

Չնայած Microsoft Word տեքստային խմբագրիչը միջտողային հեռավորության որոշակի ստանդարտ չափեր է տրամադրում, սակայն առավել հաճախ կիրառում են միջտողային հետևյալ հեռավորությունները.

• Single – մեկ,
• 1,5 Lines – մեկուկես,
• Double Space – կրկնակի։

 

=> ընտրել Home ներդիրը,

=> մկնիկի ցուցիչով ընտրել Paragraph բաժնի (նկ. 4.17)   գործիքն ու բացված ցուցակից (նկ. 4.18) ընտրել անհրաժեշտ միջտողային հեռավորությունը։

 

 

Նկ. 4.17.  Home ներդիրի Paragraph  բաժինը
 

 

  

Պարբերության աջ և ձախ սահմանները, ինչպես նաև առաջին տողի սկիզբը կարելի Է սահմանել հորիզոնական քանոնի (նկ. 4.19) օգնությամբ։

Հորիզոնական քանոնը երեք շարժական սողնակներ ունի՝

ա) ձախ սահմանի,
բ) աջ սահմանի,
գ) առաջին տողի։

Սողնակներից ցանկացածը տեղաշարժելու համար անհրաժեշտ Է մկնիկի ցուցիչը տեղադրել դրա վրա, ձախ սեղմակը սեղմել ու սեղմած պահելով՝ անհրաժեշտ չափով տեղաշարժել։

 

 Պարբերության աջ և ձախ սահմաններն  ու առաջին տողի սկիզբը սահմանելու  համար անհրաժեշտ է.

=> մկնիկի ցուցիչը տեղադրել  քանոնի համապատասխան սողնակի վրա,

=> ձախ սեղմակը սեղմած վիճակում սողնակը քանոնի երկայնքով տեղաշարժել անհրաժեշտ չափով,

=> սեղմակը բաց թողնել

Եթե ուշադիր դիտեք՝ կտեսնեք, որ պարբերության ձախ սահմանի սողնակը  բաղկացած է երկու մասից՝ վերին  և ստորին  ։ Եթե մկնիկի ցուցիչով ընտրվի միայն ստորին բաղադրիչը, ապա այն տեղաշարժելիս նույն չափով կտեղաշարժվի նաև պարբերության առաջին տողի սողնակը, իսկ վերին բաղադրիչը տեղաշարժելիս՝ միայն պարբերության ձախ սահմանի սողնակը։