1. Ջոուլ-Լենցի օրենքը

Փորձը ցույց է տալիս, որ հաղորդիչները տաքանում են, երբ նրանցով էլեկտրական հոսանք է անցնում: Հոսանքի ջերմային ազդեցությունը ուսումնասիրեցին անգլիացի ֆիզիկոս Ջ. Ջոուլը, իսկ ևս մեկ տարի անց՝ ռուս գիտնական Է. Լենցը: Նրանք միմյանցից անկախ սահմանեցին օրենք՝ Ջոուլ-Լենցի օրենքը, որը բացահայտում է, թե ի՞նչ մեծություններից և ինչպե՞ս է կախված հաղորդչում անջատված ջերմաքանակը:

 

          

        Ջեյմս Ջոուլ                                               Էմիլի Լենց

 

Ջոուլ-Լենցի օրենքը հայտնագործվել է փորձնական ճանապարհով, սակայն դրան կարելի է նաև տեսական հիմնավորում տալ: Եթե շղթայի տեղամասում մեխանիկական աշխատանք չի կատարվում, նրանում քիմիական ռեակցիա տեղի չի ունենում, ապա հոսանքի ամբողջ աշխատանքը ուղղված է հաղորդչի ներքին էներգիայի մեծացմանը:

 

Քանի որ էլեկտրական հոսանքի կատարած աշխատանքը հավասար է $A=U\cdot I\cdot T$ հետևաբար և $Q=U\cdot I\cdot t$

 

Օգտվելով Օհմի օրենքից, բանաձևը կարելի է ներկայացնել նաև այլ տեսքով՝ $Q=\frac{U^2}{R}\cdot t$ կամ $Q=I^2\cdot R\cdot t$

Այս վերջին բանաձևն էլ արտահայտում է Ջոուլ-Լենցի օրենքը: