1. Հատվածների և անկյունների չափում

Չափման մասին լավ պատկերացում է տալիս "\(38\) թութակ" մանկական մուլտֆիլմը: Այնտեղ լուծվում էր օձի երկարության չափման խնդիրը:

 

 

Թութակներով հաշված օձի երկարությունը հավասար էր 38 թութակի, կապիկներով հաշված՝ ստացվում էր 5 կապիկ, իսկ փղիկներով՝ \(2\) փղիկ: Բնականաբար, օձին դուր էր գալիս, որ թութակներով հաշված նա ավելի երկար էր: Այսպիսով, չափումների ժամանակ շատ կարևոր է չափման միավորի ընտրությունը:

 

Եթե պետք է չափել երկու օձերի երկարությունները, ապա դրանք երկուսն էլ պետք է չափել նույն չափման միավորներով՝ թութակներով, կապիկներով կամ փղիկներով:

 

Առարկան չափելով՝ մենք իմանում ենք, թե քանի անգամ է առարկան մեծ (կամ փոքր) չափման միավորից: Կարող է պատահել, որ ընտրված չափման միավորը մեր առարկայի մեջ չի տեղավորվում՝ անգամ ամբողջ թվով: Այդ դեպքում չափման միավորը բաժանում են մասերի, իսկ մասերն էլ կարելի է շարունակել բաժանել ավելի փոքր մասերի՝ հնարավորինս ճշգրիտ չափում իրականացնելու համար: Իրավիճակից կախված, արդյունքը կարելի է կլորացնել և օգտագործել մոտավոր արժեքը:

 

Վերադառնալով օձի չափման մուլտֆիլմին՝ չափման ճշգրիտ արդյունքը հավասար էր 38 թութակ և մեկ թևիկ, սակայն ընդունվեց որոշում թևիկն անտեսել և արդյունքը կլորացնել մինչև ամբողջ միավորներ:

Հատվածի չափման համար որպես չափման գործիք ամենահաճախը օգտագործում են քանոն (լինում են շատ տարբեր քանոններ՝ ինչպես շատ մանր չափումների, այնպես էլ խոշորների համար):

Շատ հաճախ օգտագործվող չափման միավորներ են՝ \(1 կմ\), \(1 մ\), \(1 դմ\), \(1 սմ\), \(1 մմ\):

 

Անկախ չափման առարկայից, չափման մեծությունը ունի նույն հատկությունները:

Անկյուն չափելու գործիքներից է անկյունաչափը:

Անկյան մեծության չափման միավոր է աստիճանը:

 

 

Սա այն աստիճանը չէ, որն օգտագործվում է ջերմաստիճան չափելու համար:

 

Դա գրում են այսպես՝${\measuredangle \mathit{AOB}=180}^0$

 

Կարելի է պատկերացնել նաև այնպիսի անկյուն, որի մեծությունը $0^0$ է: