Ուղղահայաց և թեք
Հարթությունից դուրս վերցված կետից հարթությանը տարված թեք կոչվում է այդ կետը հարթության որևէ կետի հետ միացնող ցանկացած հատված, որը ուղղահայաց չէ հարթությանը:
\(AB\)-ն թեք է:
\(B\)-ն թեքի հիմքն է:
Հարթությունից դուրս վերցված կետից հարթությանը տարված ուղղահայացկոչվում է այդ կետը հարթության կետի հետ միացնող այն հատվածը, որը ուղղահայաց է հարթությանը:
\(AC\)-ն ուղղահայաց է:
\(C\)-ն ուղղահայացի հիմքն է:
Հարթությունից դուրս գտնվող կետից տարված թեքի և ուղղահայացի հիմքերը միացնող հատվածը կոչվում է թեքի պրոյեկցիա:
\(CB\)-ն \(AB\) թեքի պրոյեկցիան է հարթության վրա:
\(ABC\) եռանկյունը ուղղանկյուն է:
Թեքի և հարթության կազմած անկյուն կոչվում է թեքի և նրա պրոյեկցիայի կազմած անկյունը:
\(CBA\)-ն \(AB\) թեքի և հարթության կազմած անկյունն է:
Աղբյուրները
Ս. Հակոբյան, Երկրաչափություն 10-րդ դասարան, ՏԻԳՐԱՆ ՄԵԾ, 2009