1. Երկնիստ անկյուն

 

Եթե տարածության մեջ հատվում են երկու հարթություններ, ապա առաջանում են չորս երկնիստ անկյուններ (նույն ձևով, երբ հատվում են երկու ուղիղներ, առաջանում են չորս անկյուններ): Դիտարկենք դրանցից մեկը:

 

 

Երկնիստ անկյունն առաջացնող $\mathrm{\alpha }$ և $\mathrm{\beta }$ հարթությունները կոչվում են նրա նիստեր:

Հարթությունների \(a\) ընդհանուր սահմանագիծը կոչվում է երկնիստ անկյան կող:

 

Երկնիստ անկյան \(a\) կողի վրա ընտրենք կամայական \(C\) կետը և տանենք երկու հատվող ուղիղներ՝ $\mathit{AC}\perp a$ և $\mathit{BC}\perp a$: Այդ ուղիղներով տանենք \(a\) կողին ուղղահայաց $\mathrm{\gamma }$ հարթությունը:

 

 

$\mathrm{\alpha }$ և $\mathrm{\beta }$ հարթությունների և $\mathrm{\gamma }$ հարթության \(AC\) և \(BC\) հատման գծերը կազմում են $\measuredangle \mathit{ACB}$ անկյունը: Այդ անկյունը կոչվում է երկնիստ անկյան գծային անկյուն:

Գծային անկյան մեծությունը կախված չէ \(a\) կողի վրա ընտրված \(C\) կետից: