Թթուների փոխազդեցությունը մետաղների և մետաղների օքսիդների հետ

Թթուների ու մետաղների փոխազդեցությունը

Թթուների (ջրային լուծույթներում) և մետաղների միջև ընթացող քիմիական ռեակցիաների հավասարումներ կազմելիս պետք է ղեկավարվել մետաղների համեմատական ակտիվության շարքով (Բեկետովի շարք): Դրանում ջրածնից առաջ (ձախ) տեղադրված մետաղները ջրածինն արտամղում են թթուների ջրային լուծույթներից (բացառություն են ազոտական և խիտ ծծմբական թթուները): Յուրաքանչյուր մետաղ իրենից աջ (հետո) մետաղներից ավելի ակտիվ է:

մետաղների համեմատական ակտիվության շարք

Օրինակ՝

\begin{array}{l} Mg + 2 HCl = \underset{\begin{array}{l} մագնեզիումի \\ քլորիդ \end{array}}{Mg {Cl}_{2}} + H_{2} \\ Zn + H_{2} S O_{4 (Նոսր)} = \underset{\begin{array}{l} ցինկի \\ սուլֆատ \end{array}}{Zn {SO}_{4}} + H_{2} \\ Cu + HCl \neq \\ Ag + H_{2} S O_{4 (Նոսր)} \neq \end{array}

Մագնեզիում և ցինկ մետաղները տեղադրված են ջրածնից ձախ, իսկ պղինձը և արծաթը՝ աջ:

Թթուների ու մետաղների փոխազդեցությունից (մագնեզիումի քլորիդ, ցինկի սուլֆատ) առաջանում է աղ և անջատվում՝ ջրածին:

Աղերը բարդ նյութեր են՝ կազմված մետաղի ատոմներից և թթվային մնացորդներից:

Թթվային մնացորդներն ունեն որոշակի բաղադրություն և վալենտականություն:

Վերը նշված ռեակցիաների հետևանքով առաջացած աղերի բաղադրությունը՝

Mg {Cl}_{2}

-ը, կազմված է մագնեզիում մետաղի ատոմից և քլորաջրածնական (աղաթթվի)

{Cl}^{-}

թթվային մնացորդից:

Mg {Cl}_{2}

-ը անթթվածին թթվի աղ է (կարդացվում է մագնեզիումի քլորիդ):

ZnS O_{4}

-ը կազմված է ցինկ մետաղի ատոմից և ծծմբական թթվի

S O_{4}^{2 -}

թթվային մնացորդից:

ZnS O_{4}

թթվածնավոր թթվի աղ է (կարդացվում է ցինկի սուլֆատ):

Աղերն անվանելու համար մետաղի անվանմանը (սեռական հոլովով) ավելացնում են համապատասխան թթվի թթվային մնացորդի անվանումը՝ ուղղական հոլովով:

Եթե մետաղն օժտված է փոփոխական օքսիդացման աստիճանով, ապա աղի անունը գրելիս մետաղի վալենտականությունը հռոմեական թվերով նշում են մետաղի անունից անմիջապես հետո:

Օրինակ՝

{Fe}^{2 +} (S O_{4}) {}^{2}^{-}

երկաթի (\(II\)) սուլֆատ (կարդացվում է երկաթի երկու սուլֆատ)

{Fe}_{2}^{3 +} (S O_{4}) {}_{3}^{2}^{-}

երկաթի (\(III\)) սուլֆատ (կարդացվում է երկաթի երեք սուլֆատ)

Թթուների ու մետաղների oքսիդների փոխազդեցությունը

Մետաղների օքսիդները թթուների հետ փոխազդելիս աղ և ջուր են առաջացնում:

Օրինակներ՝

\begin{array}{l} MgO + 2 HCl = \underset{\begin{array}{l} մագնեզիումի \\ քլորիդ \end{array}}{Mg {Cl}_{2}} + H_{2} O \\ ZnO + H_{2} S O_{4} = \underset{\begin{array}{l} ցինկի \\ սուլֆատ \end{array}}{Zn {SO}_{4}} + H_{2} O \end{array}

Նախորդ տեսություն

Վերադառնալ թեմային

Հաջորդ առաջադրանքը

Գրեք մեզ

Սխա՞լ ես գտել

Տեղեկացրու մեզ

2. Թթուների փոխազդեցությունը մետաղների և մետաղների օքսիդների հետ

Տեսություն